Fakature kandidaat-lid Provinsjale Steaten
Dizze fakatuer stiet iepen oant snein 23 augustus 2026 23:59
Foar de Provinsjale Steateferkiezingen 2027 yn Fryslân
Volt stiet foar goed bestjoer op elk nivo en sjocht de provinsje as in ûnmisbere skeakel by it oanpakken fan de grutte útdagings fan dizze tiid, lykas klimaat, miljeu en ús libbensomjouwing. De provinsje is in selsstannich ûnderdiel fan it bestjoer fan Nederlân mei in fokus op romtlike oardening. Dêrneist is de provinsje belutsen by it ymplemintearjen fan Europeesk belied lykas by wetter en natuer. Hjir komme de Europeeske ambysjes gear mei de lokale realiteit. De provinsje ferdielt wichtige subsydzjes en ferbynt regio's, minsken en oerheden. Mei in Europeeske blik, in pragmatyske oanpak en radikaal positive oplossings wol Volt gearwurking fuortsterkje en sjen litte dat foarútgong allinnich mooglik is as wy grinzen oerstige en gearwurkje op lokaal, provinsjaal, lanlik én Europeesk nivo.
Volt siket kandidaat-leden foar de Provinsjale Steaten. Steatelid is in útdaagjende, betelle, parttime baan yn in dynamyske politike omjouwing dy't hege easken stelt. De Provinsjale Steaten binne fêstige yn Ljouwert en komme dêr elke moanne gear yn it provinsjehûs. Njonken dizze moanlikse gearkomste binne der ek oare gearkomsten en mominten fan oerlis. As Steatelid bist folksfertsjintwurdiger. Dat hâldt ûnder oare yn datst yn de provinsje op wurkbesite giest foar petearen mei boargers, maatskiplike organisaasjes en bedriuwen. Dêrnjonken bist ek binnen de partij in oansprekpunt en is it wichtich datst goede kontakten ûnderhâldst mei oare fraksjes, sawol binnen as bûten Volt.
Yn dit dokumint (Nederlânske ferzje) fynst mear útlis oer de ferwachtings dy't wy fan dy as kandidaat hawwe, de ferwachte tiidsynvestearring yn de kampanje en de fergoeding fan in Steatelid.
Bisto yn de Provinsjale Steaten ús stimmelûker en nije Volt-fertsjintwurdiger?
Volt
Volt is dé Europeeske politike beweging mei sitten yn it Nederlânske parlemint, de Provinsjale Steaten, ferskate gemeenterieden, it Europeesk Parlemint én yn oare lannen fan de Europeeske Uny. Wy jouwe mei ús goed twahûndert Europeeske folksfertsjintwurdigers in stim oan elkenien dy't yn foarútgong leaut.
Volt is in ynklusive organisaasje dy't romte biedt oan elkenien. Wy sette de krêft fan diversiteit yn om bettere risseltaten te beheljen foar de maatskippij. Net achte dyn gender, leeftyd, kulturele eftergrûn, fan wa'tst hâldst of watst leaust: do bist fan herten wolkom. Tegearre mei dy wolle wy wurkje oan in Nederlân en Europa van ferbining en foarútgong.
De oplossings fan Volt slute naadleas oan by wat der spilet yn Fryslân. Fryslân is nammentlik foaroprinner yn duorsumens en Volt sjocht dit as in grutte kâns om Fryslân yn hiel Nederlân en yn Europa op de kaart te setten. Ek hat Fryslân in diverse kultuer om grutsk op te wêzen. Kultuer ferrykt en ferbynt. Foar Volt is it behâld fan de eigen identiteit en tradysjes wichtich, binnen de Europeeske kontekst. Volt Fryslân set him dêrom mei folle oertsjûging yn foar de Fryske kultuer.
De Provinsjale Steaten
De Provinsjale Steaten binne de keazen folksfertsjintwurdiging fan de provinsje. Sy stelle it provinsjaal belied fêst, karre de begrutting goed en kontrolearje it deistich bestjoer (Deputearre Steaten) dêr't de Kommissaris fan de Kening de foarsitter fan is.
De leden fan de Provinsjale Steaten wurde om de fjouwer jier keazen. De ferkiezings fine plak op 17 maart 2027, tagelyk mei de ferkiezings foar de wetterskipsbestjoeren.
Wat ferwachtet Volt fan dy?
As kandidaat-Provinsjale Steatelid fan Volt hast do in frisse blik op polityk en bestjoer, en ûnderskriuwst de wearden van lykweardigens, duorsumens, solidariteit, weardigens, rjochtfeardigens en frijheid.
Do tinkst en handelst fanselssprekkend ynklusyf en befoarderest diversiteit. Do hast in soad enerzjy en bliuwst effektatyf yn in dynamyske en easkjende politike omjouwing.
Do stiest mei beide fuotten yn de maatskippij en bist in ferbinend persoan mei each foar sosjale ferhâldings. Do hast in yntrinsike motivaasje om de wrâld foar elkenien better te meitsjen, bist belutsen by Volt en hast de ambysje om Volt fierder út te bouwen.
Do bist motivearre om dy yn te setten foar de kampanje fan Volt. Tegearre mei it team fan kandidaten giest yn petear mei kiezers. Mei dyn entûsjasme, kennis en kunde besykest kiezers te oertsjûgjen om te kiezen foar it Nederlân en Europa fan Volt.
Mei Volt bouwt Fryslân syn sirkulêre ekonomy, sirkulêre lânbou, kennis oer enerzjy-opwekking, ynnovaasje op it mêd fan wettertechnology en duorsum toerisme fierder út. Mei help fan de EU en foar de EU.
Wat giest do dwaan?
As kandidaat-Provinsjale Steatelid foar Volt is der in takepakket foar en in takepakket nei de ferkiezings.
Foar de ferkiezings fierst tegearre mei dyn mei-kandidaten aktyf kampanje foar Volt en foar dysels.
Nei de ferkiezings nimst, ast keazen bist, sit yn de Steaten as lid van de Volt-fraksje en fertsjintwurdigest dêr de Volt-wearden, it Volt-gedachtegoed en it Volt-ferkiezingsprogramma. Do besykest yn alles watst dochst de Volt-wearden út te dragen en it Volt-gedachtegoed om te zetten yn provinsjaal belied en yn wet- en regeljouwing. Ast net as Steatelid keazen wurdst, kinst as kommisjelid ek dyn bydrage leverje oan de Volt-fraksje. Wy ferwachtsje datst yn de hiele sittingsperioade belutsen bliuwst by de fraksje fan Volt.
Wat is der nedich om de rol fan kandidaat-Provinsjale Steatelid goed te ferfoljen?
Wy binne op syk nei de folgjende skaaimerken en kompetinsjes, mar let op:
Ut ûndersyk docht bliken dat froulike kandidaten earst gadingmeitsje as se oan 100% fan de easken foldogge, wylst manlike kandidaten dat al by 60% dogge. Foar ús jildt: do hoechst net perfoarst efter elke kompetinsje in finkje sette te kinnen om te gading te meitsjen. Wy sjogge ek grif nei dyn potinsjeel en motivaasje!
Do bist in ynspirearjend lid fan it team fan kandidaten, immen dêrst op bouwe kinst; in echte teamspiler.
Do hast kennis fan of bist dy oan it ferdjipjen yn it mei-bestjoer yn de regionale en lokale polityk. Do begrypst hoe't dit him ferhâldt ta it funksjonearjen van it Nederlânske en it Europeesk Parlemint.
Do hast affiniteit mei de Fryske taal en kultuer of bist motivearre dy hjiryn te ûntwikkeljen.
Do hast in treflik ûntwikkeld gefoel foar yntegriteit by dysels en by oaren.
Do bist yn steat om problemen te begripen en om dizze dêrnei mei trochsettingsfermogen, krêft en oertsjûging op te lossen.
Do kenst de politike ferhâldings en kinst dy ferpleatse yn de posysje fan de boarger. Dêrby bist do iepen-minded en respektfol nei oaren. Do bist altyd ree om by te learen. Ek wurkest gear mei oare partijen en organisaasjes.
Do bist (polityk) sensityf en witst op hokker wize ast dyn stânpunten it bêste foar it fuotljocht bringe kinst om draachflak te kreëarjen.
Do hast kennis fan ien of mear fan de wichtichste beliedsterreinen, lykas:
miljeu, enerzjy en klimaat
fitaal plattelân en natuerbehear
regionale ekonomy
Oanfoljende ynformaasje - wêrûnder inkele formele easken - oer dizze fakatuere fynsto hjir (Nederlânske ferzje). Lês dizze ynformaasje ek goed troch foardatst beslútst te sollicitearjen.
Sollicitearje
Sollicitearje kin troch ûndersteande dokuminten te stjoeren nei de kandidatencommissie fia [email protected]
dyn cv en motivaasjebrief;
in ynfolle fragelist yntegriteit;
in ûnderskreaune ferklearring fan kandidaatstelling;
in ûnderskreaune ôfdrachtsregeling (Nederlânske ferzje);
dit ynfolle dokumint mei dyn bio en in pasfoto om dy oan de leden op it kongres foar te stellen.
De fakature stiet iepen oant snein 23 augustus 23:59. De sollicitaasjepetearen sille plakfine yn septimber.
Hast noch in fraach? Nim dan kontakt op mei de kandidatenkommisje troch in e-mail te stjoeren nei [email protected].
It folsleine kandidaatstellingsproses fynst hjir.